ទិវាវប្បធម៌ជាតិ៣មីនា

ទិវាវប្បធម៌ជាតិ៣មីនាគឺជាទិវាមួយដ៏មានសារៈសំខាន់និងមានតម្លៃមហាសាលដែលមិនអាចកាត់ថ្លៃបាន ដែលរាជរដ្ឋាភិ​បាល​បាន​ផ្តួចផ្តើមគំនិតនិងកំណត់ធ្វើឡើងជារៀងរាល់ឆ្នាំ។ សម្រាប់ឆ្នាំ២០២០នេះ គឺជាលើកទី២២ហើយ ដែលកម្ពុជាបានប្រារព្ធធ្វើ​ទិវា​នេះ​ឡើង ក្នុងបំណងដើម្បីរឭកដល់គុណូបការៈនៃបុព្វបុរសយើងដែលលោកបានបន្សល់នូវមរត​វប្បធម៌ដ៏សម្បូរបែបសម្រាប់​ឱ្យកូន​ចៅ​​​ខ្មែរជំនាន់ក្រោយ បានឈរស្មើមុខស្មើមាត់នឹងបណ្តាអារ្យប្រទេសនៅលើពិភពលោកប្រកបដោយមោទនកភាព។ ដូច្នេះ​ក្នុង​នាមជាអ្នកបន្តវេនពីបុព្វបុរស យើងទាំងអស់គ្នាត្រូវមានកាតព្វកិច្ចចូលរួមថែរក្សាការពារនូវសម្បិត្តវប្បធម៌​របស់ខ្លួនឱ្យបាន​គង់​វង្ស និងធ្វើការអភិវឌ្ឍដោយឈរលើមូលដ្ឋានអភិរក្សដើម្បីទាក់ទាញភ្ញៀវទេសចរណ៍ជាតិ​និងអន្តរជាតិឱ្យមកទស្សនាវប្បធម៌​ដ៏​សម្បូ​រ​បែបនៃកម្ពុជា ក្នុងការចូលរួមកាត់បន្ថយភាពក្រីក្រ ដែលជាមធ្យោបាយមួយក្នុងចំណោមធ្យោបាយជាច្រើនទៀត ក្នុងការ​នាំសង្គម​ជាតិ​ឱ្យមានសាមគ្គីភាព មានសន្តិភាព និងភាពសុខដុមរមនា។ ក្នុងនាមជាកុលបុត្រនៃខេមរា យើងត្រូវគិតថា អ្វីៗទាំង​អស់​ដើម្បី​វឌ្ឍនភាពវប្បធម៌ និងត្រូវចងចាំថា បើវប្បធម៌រលត់ នោះ​ជាតិនឹងរលាយ បើវប្បធម៌ពណ្ណរាយ នោះជាតិថ្កើងថ្កាង‌។

 

Be the first to comment

Leave a Reply

Your email address will not be published.


*